رياضة : حمزة الجمل للوفد: الإسماعيلي يحتاج خطة مدروسة للنهوض ولسنا فريق ناشئين

تحدث حمزة الجمل المدير الفني السابق للنادي الاسماعيلي عن رأيه في مباراة الأمس بين الدراويش والزمالك بالجولة الـ12 من الدوري المصري.

وقال نجم الاسماعيلي السابق في تصريحات خاصة للوفد: في البداية طبعا بتمني التوفيق للنادي الاسماعيلي، هو في وضع حساس، وبيحتاج لمزيد من الوقت والتركيز، ودعم كل جماهير النادي ".

وتابع: "المباريات المتبقية لللاسماعيلي صعبه جدا وبدأت الاندية تستعيد عافيتها، علشان كده بطالب لاعيبه الاسماعيلي بالتركيز العالي للجميع سواء ادارة او جهاز فني او لاعيبه وحتي الجمهور".

وأكمل حمزة الجمل:"النادي الفترة دي محتاج دعم كبير من الادارة، لكن لازم يكون دعم مدروس وبعلم،  لازم يبقي فيه خطة وروؤية واضحه داخل النادي ان ازاي انهض واعدي المرحلة الصعبة دي."

وبالحديث عن امتلاك الفريق للعديد من العناصر الشابة قال: "حابب اوضح نقطة ان الكل بيقول ان فريق الاسماعيلي لاعيبه صغيره وناشئين، الكلام ده مش صحيح ومش عايزين نصدر المشهد ده."

وأردف:" لو نظرن  مثلا علي اسماء اللاعيبه اللي في الفريق هنلاقي حوالي 8 أسماء اعمارهم فوق الـ30، وزيهم في متوسط الـ25 سنة، فمش عايزين نصدر شماعة ان النادي مفيهوش لاعيبه كبيرة وأغلبهم صغيرين في السن، لا احنا لو جمعنا هنلاقي متسوط الاعماء في الفريق 25 سنه وده سن يجيب بطولات وشفنا ده كتير في انحاء العالم.

وواصل: "لما نصدر ان الاعيبه دي صغيره، كده بنقدملهم عذر انهم هيخسروا، وهيلاقوا شماعه يعلقوا مستواهم عليها، ومن ضمن الدعم اللي عايزه يتقدم للنادي ان نشيل الفكرة دي من دماغنا ونصدر ان احنا عندنا فريق كبير وخبرات زيه زي اي فريق في مصر."

مؤكدا ان لاعبوا الاسماعيلي عليهم ان يعرفوا انهم مش قليلين، لا احنا نادي عنده خلفية تاريخية، والفريق فيه لاعبين كبار يقدروا يقدموا شيئ كبير في الدوري ويكونوا ضمن أول 9 فرق بالجدول.

وأختتم:" مش عايزين كل ماتش نقول اتظلمنا من التحكيم، او معنديش لاعيبه، او معنديش فلوس، ده خطر جدا علي اي فريق، ولما كل ماتش نقول كده يبقي انت كانك بتقول للاعيب اخسر وكده كده فيه شماعه هنعلق خسارتنا عليها".